Институтот на сметководители и овластени сметководители (ИСОС) потпиша меморандум за соработка со СЕПУГС „Васил Антевски-Дрен“ – Скопје, со што се отвораат нови можности за промоција на сметководствената професија меѓу младите.
Соработката е насочена кон зајакнување на врската помеѓу стручното образование и професијата, овозможувајќи им на учениците навремено да се запознаат со нејзината улога, значење и кариерни перспективи.
Преку ова партнерство, средношколците ќе имаат можност поблиску да ја запознаат професијата, да се информираат за нејзините можности и да добијат појасна претстава за идниот професионален развој. Истовремено, соработката придонесува за унапредување на стручното образование и негово приближување до реалните потреби на пазарот на труд.
Со оваа иницијатива, ИСОС продолжува активно да ја доближува сметководствената професија до младите и да ја позиционира како атрактивна, стабилна и перспективна кариерна опција.
Со почит, Скопје, март 2026
ИСОС
ISOS